არის ფილენი, რომლებსაც ერთხელ უყურებ და დაგავიწყდება, არის ფილმები, რომლებიც შეგიყვარდება არის ფილმებიც რომლებიც ცვლიან შენ აზრს ბევრ რამეზე. ეს ფილმიც სწორედ ასეთია.

ფილმი გადაღებულია დევიდ აიერის მიერ, რომელმაც მანამდე დაწრა სცენარი არანაკლებ კარგი ფილმისთვის  Training Day, რომელიც ეხებოდა ამერიკელი კინემატოგრაფისტების საყვარელ თემას, კორუფციას პოლიციაში. ფილმი მართლაც კარგი გამოვიდა მაგრამ ამჯერად მისი სიტყვებით მას უნდოდა უბრალოდ გადაეღო ფოლმი ორ კარგ ტიპზე, პოლიციის ოფიცერზე და ყველასთვის ეჩვენებინა რასთან გამკლავება უწევთ მათ მოვალეობის შესრულების დროს. სცენარი ძალიან ხანმოკლე პერიოდში დაიწერა, სახელი თავიდანვე იყო The End of Watch რაც დაახლოებით ნიშნავს მორიგეობის/სმენის დასრულებას. ჟარგონზე ასე ქვია დღეს როდესაც პოლიციელი დაიღუპება მოვალეობის შესრულების დროს.

ლინკი ფილმზე ჩემ მეგობარმა გამომიგზავნა, მსახიობები კარგი იყო და პოსტერიც მომეწონა. ყურება დავიწყე და სანამ ფილმი არ მორჩა მგონი არც მისუნთქია.

ასეთი მაღალი კლასის აუთენტიკური ფილმის გადაღება ძალიან ძნელია. ანუ როდესაც საქმე ეხება ღრმად სპეციფიურ თემას, როგორიც არის პოლიციური ტაქტიკა. მაყურებელი დღეს უკვე აღარ ხრავს იმ უხარისხო პროდუქციას, რომელიც იქმნებოდა ადრე. დღეს ყველგან არის კამერები. ყველას აქვს კამერები. ინეტრენეტი გაჯერებულია სისხლიანი ვიდეო კლიპებით სადაც შენ თვალწინ ხალხი ხოცავს ერთმანეთს ყველაზე წარმოუდგენელი მეთოდებით. ყველამ იცის რომ ტყვიის მოხვედრისგან ადამიანები არ დაფრინავენ, რომ იარაღი არ ისვრის გიგანტურ ცეცხლის ბურთებს. ყველამ უკვე იცის როგორ გამოიყურება სიკვდილი პირდაპირ ეთერში და ის თეატრალური ძალადობის სცნები, რომლებსაც დგავენ ჰოლივუდში ადამიანზე აღარ ახდენს შთაბეჭდილებას და აღითქმევა როგორც პაროდია რეალურ ცხოვრებაზე. ადამიანს უნდა რეალიზმი. რეალიმზი გვინდა ჩვენ, ვინც ვერკვევით იარაღში და სროლაში და ნებისმიერი ხარვეზი, უზუსტობა და ცუდად შესრულებული სპეცეფექტი ჭრის თვალს და კინოს ყურება ხდება აუტანელი. კი ხარვეზები ამ ფილმშიც არის, მაგალითად ფილმი იწყება სცენით სადაც ბრაიან ტეილორი (ჯეიკ გილენხალი) კამერაში უჩვენებს თავის იარაღს და იძახის, რომ ეს არის გლოკ 19 მაშინ როდესაც ნათლად ჩანს, რომ ხელში მას გლოკ 22 უჭირავს. მაგრამ ეს მცირე უზუსტობა საერთოდ იკარგება იმ შთაბეჭდილებების და ემოციების ფონზე, რომლებსაც იღებთ ფილმის ყურებისას. იმიტომ რომ ფილმი არის ზე რეალისტური, ზე სანახაობრივი, რომელსაც უბრალოდ ვერ მოწყდებით სანამ ის არ დამთავრდება. დამთავრების მერე კიდე ალბათ ბევრი დიდიხნით ჩაფიქრდება. პირადად მე რამდენიმე დღე ვიყავი შთაბეჭდილებების ქვეშ. შეიძლება იმიტომ, რომ არე ველოდი რომ მეგობირს ლინკზე ასეთი მაგარი კინო იქნებოდა. მე არ უყურებ ტრეილერებს, არ ვკითხულობ რეცენზიებს ამიტომაც ხშირად მხვდება ასეთი სიურპრეზები და ამიტომაც კინოს ყურებსიგან გაცილებით მეტ სიამოვნებას ვიღებ.

გლოკ 22 არის ყველაზე გავრცელებული .40 S&W კალიბრის სამსახურეობრივი პისტოლეტი აშშ-ში და ალბათ მმთელ მსოფლიოში. აქ პისტოლეტი ასევე აღჭურვილია Surefire X300 ტაქტიკური ფარნით.

დამატებითი მჭიდები. როგორც ჩანს დატენილია Winchester Ranger SXT ტიპის ტყვიებით, რომლებიც მართლაც არის ლოს ანჯელესის პოლიციის დეპარტამენტის შეიარაღებაში. აუთენტიკურიბა ისევ დაცულია.

სერიოზული რეჟისორები მუშაობენ იმაზე, რომ ყველაფერი იყოს რეალური. სანამ გადაღებები დაიწყებოდა მაიკლ პენიაც (მაიკ ზავალა),  ჯეიკ გგილენხალი და სხვა მსახიობები გადიდონენ 5 თვიან საცეცხლე და ტაქტიკურ მომზადებას. შემდეგ დაყვებოდნენ პატრულირებაზე მორიგე პოლიციის ეკიპაჟებს. პირველივე ასეთი “ექსკურსიის” დროს ჯეიკ გილენხალი გახდა მკვლელობის მოწმე. ასე რომ თამაშის მხრივ მსახიობები იმსახურებენ ოვაციებს. ყველა კლასიკური და ჩვენთვის საყვარელი პოლიციური ფილმი იყო ასე გადაღებული, Heat, Street Kings,  Miami Vice და ასე შემდეგ. ეს მეთოდი აშკარად მუშაობს.

დანა  რომელსაც გვაცნობს ბრაიან ტეილორი, როგორც სპაიდერკოს სინამდვილეში არის Smith&Wesson First Responder. არც ისე მაღალი კლასის ინსტრუმენტი, რომლის საცალო ფასი დაახლოებით 30 დოლარია.

ფილმმა დამსახურებულად მიიღო ძალიან პოზიტიური გამოხმაურებები. შედარებით ცმირე ბიუჯეტიანი, მასზე დაიხარჯა მხოლოდ 7 მილიონი დოლარი, მან მოუტანა შემქმნელებს 40 მილიონი დოლარი მოგება. პოზიტიური გამოხმაურებები მოყვა პოლიცილების მხრიდანაც ვინაიდა ვიმეორებ ფილმი არის რეალურ პოლიციურ სამსახურზე. გაჯერებული სპეციფიური ჟარგონით, ჟესტებით და ტერმინებით.

ბუნებრივია გამოყენებულმა არსენალმა მიიპყრო ჩემი ყუარდღება და აქაც ყველაფერი აუთენტიკურია. მექსიკური კარტელების  ჯარისკაცები შეიარაღებულები არიან მოოქროვილი მონიკელებული იარაღებით, როგორც ეს ეხლა მანდ მოდაშია. პოლიციის შეირაღებაც სტანდარტულია და შეესაბამება ლოს ანჯელესის პოლიციის დეპარტამენტის არსენალს.

რემინგტონ 870 არის ყველაზე გავრცელებული თოფი, რომელიც მგზავრობს პოლიციის მანქანაში. პოლიციელი ემზადება მორიგეობაზე გასასვლელად და საკეტი ღიად არისს დატოვებული რაც უზრუნვლყოფს მაქსიმალურ უსაფრთხოებას. იარაღი იტენება უშუალოდ საპატრულო მანქანაში ჩაჯდომის წინ.

5 თვიანმა მომზადება ტყვილა არ ჩაირა. მსახიობები მოქმედბენ, გადაადგილდებიან და მუშაობენ იარაღებთან, როგორც გამოცდილი პროფესიონალები.

ფილმში უამრავი ძლიერი დასამახსოვრებელი სცენაა, თუნდაც როდესაც საპატრულო მანქანა გადის მორიგეობაზე და ჟღერს Public Enemies-ის სიმღერა Harder Than You Think, ან აიღეთ ნებისმიერი სროლის/შეტაკების სცენა… დაწყებაც ძალიან კარგი გამოვიდა.

მთლიანობაში ფილმი გამოვიდა სანახაობრივი, ემოციური და რეალისტური. ორ კარგ ტიპზე, რომელიც უბრალოდ აკეთებს თავის საქმეს და არ ფიქრობს სხვაზე არაფერზე. მათ არ აშინებთ შურისძიება და მძლავრი ყოვლისშემძლე კარტელები, რაც ჩვენი მაყურებლისთვის იქნება გასაკვირი, ჩვენ ხომ სანამ რამეს მოვიმოქმედებთ ვფიქრობთ რას იფიქრებს ჩემზე ჩემი უფროსი, მისი უფროსი, მისი უფროსის უფროსი, ხომ არ გადაურბენ ვინმეს გზას….  აქ კიდე ყვეაფერი მარტივია, დაინახე ბოროტება გადაუდექი მას წინ და მოიქეცი ისე, როგორც უნდა მოიქცეს ის ვისი ვალდებულებაცაა კანონის დაცვა.  ამ მხრივ ეს ფილმი არც მეტი არც ნაკლები არის მაგალითი არა მარტო პოლიციელებისთვის არამედ ნებისმიერი ადამიანისთვის. ნუ იფიქრებ, იმოქმედე სწრაფად და მოიქეცი სწორედ.

ყველაზე ტიპიური დასამახსოვრებელი კადრი ფილმიდან. დიალოგები ამ სცენენში არ იყო წინასწარ დაწერილი  და უბრალოდ იყო მაიკლ პენიას და ჯეიკ გილენხალის იმპროვიზაცია.