სამხრე ბუდეების ნაირსახეობები და ფასების სპექტრი. საათის ისრის მიმართულებით: TF Deluxe (15 USD), UnderTech Undercover T-shirt (69USD), Nevada Gun Leather Upside Down Holster (105USD), Rothco US Military Issue (50USD), KLC Gambler (265 USD), Blackhawk Vertical Rig M9 (43USD).
არსებობს სამხრე ბუდეების ოთხი ძირითადი ტიპი: 1. იღლიის ქვეშ 45 გრადუსით დაბლა დახრილი ბუდე (ასეთი იყო გალახერის ორიგინალური ბუდე და ამიტომ მისი აღწერით დავიწყებ); 2. ჰორიზონტალურად მოთავსებული ბუდე, რომელიც პირველად შეიქმნა 1950-ან წლეებში ჩიკ გეილორდის მიერ (დღეს მის ტრადიციებს განაგრძობს კომპანია Bell Charter Oak). დიზაინის ავტორის ჩიკ გეილორდის აზრით ეს არის ყველაზე “სწრაფი” სამხრე ბუდე. იგულისხმება, რომ იარაღის ამოღება სწრაფად ხდება. 3. ვერტიკალური ბუდეები, ყვეელაზე ადრინდელი დიზაინი, ცნობილი მე-19 საუკუნიდან. პირველი თაობის ბუდეებიდან იარაღი ამოდიოდა ჯერ ზევით და მხოლოდ შემდეგ ტოვებდა ბუდეს. მოგვიანებით გასული საუკუნის 20-ან წლებში ხელმისაწვდომი გახდა ზამბარით აღჭურვილი მოდელები, რომლიდანაც იარაღის პირდაპირ გამოძრობა ხდებოდა. ასეთ, Heiser-ის ტიპის ბუდეს ატარებდა ცნობილი გამოძიებათა ფედერალური ბიუროს აგენტი ელიოტ ნესი და მისი განმასახიარებელი კინოგმირები, ასევე მაგალითად ფრენკ სინატრა, რომელსაც ქონდა იარაღის ტარების უფლება და ის ასე ატარებდა თავის 1903 წლის მოდელის კოლტის ავტომატურ პისტოლეტს; 4. ბუდე მოთავსებული ჯავშანჟილეტის (ან სპეციალური მაისურის) სახელოზე, როგორც წესი “კლიპსის” მეშვეობით ან წარმოადგენს მის განუყრელ ნაწილს. იდეაში ის იმეორებს ტარების წესს, რომელიც მე-19 საუკუნიდან გამოიყენება. არსებობს კიდე ბუდეები, რომლებიც ათავსებს იარაღს მკერდზე, ხშირად ბუდე მაგრდება პირდაპირ ეკიპირებაზე ან ჯავშანჟილეტზე. ტარების ეს მეთოდი პოპულარულია გარკვეული სპეციალობის მქონე სამხედროებში ვისაც უწევთ მოვალეობის შესრულება სხვა და სხვა სამხედრო ტექნიკის საჭესთან ჯდომისას, ასევე პილოტები და სხვა სამხედრო პროფესიების წარმომადგენლები. ასეთი ბუდეები არ გულისხმობენ იარაღის ფარულ ტარებას მოქალაქეების მიერ და ამიტომაც, მე მათ ამ სტატიაში არ შევეხები და მხოლოდ ილუსტრაციით შემოვიფარგლები.
ასეთი ტიპის ბუდე არის ყველაზe მოსახერხებელ ადგილას დამაგრებული, ადვილად ხელმისაწვდომია, თუმცა გასაგბი მიზეზების გამო სამოქალაქო პირებისთვის ასეთი ტარების მეთოდი მიუღებელია. სuრათზე არის ბრიტანელი სპეცრაზმელი. იარაღი – Sig Sauer P226 აღჭურვილი Сrimson Trace Laser Grip-ით.
დავიწყოთ სამხრე ბუდეების უპირატესობებით.
გამოვტოვებთ “მაგრობის” და „დერზკობის“ ფაქტორი, იმიტომ რომ ვიზუალი და კოლორიტი არ შეიძლება იყოს შეიარაღებული პროფესიონალის არც პირველხარისხოვანი და არც მეორეხარისხოვანი კრიტერიუმები, რომლის მიხედვითაც უნდა ხდებოდეს აღჭურვილობის ან იარაღის არჩევა. სამხრე ბუდეების პირველი და ჩემი აზრით მთავარი უპირატესობა არის ის, რომ იარაღი, სათადარიგო ამუნიცია და დამხმარე აღჭურვილობა (მაგალითად ხელბორკილები) ხელმისაწვდომია ადვილად ჩასაცმელ და გასახდელ კომპლექსში. მაგალითად: თქვენ ხართ გამომძიებელი, მთელი დღე ზიხართ ოფისში და ადგენთ ოქმებს. უცბად ხდება გამოძახება, რამოდენიმე მოძრაობაშია ეგრევე იცვამთ სამხრე ბუდეს და იმ წამსვე თქვენ ტანზე გაქვთ იარაღი, სათადარიგო ამუნიცია და სხვა დამხმარე აღჭურვილობა. ძალიან მოსახერხებელია.
აღნიშნული სისტემა ასევე გარკვეულ უპირატესობებს სათავაზოპბს მჯდომიარე პოზიციაში ყოფნისას. ის კიდევ უფრო მოსახერხებელია ვიდრე საპირისპირო მხარეს დამაგრებული ქამრის ბუდე (cross draw holster), რომელიც მაგალითად მანქანაში შეიძლება დაიბლოკოს უსაფრთხოების ღვედით. სამხრე ბუდე შესაბამისად შეიძლება იყოს ყველაზე კომფორტული ტარების მეთოდი პერსონალისთვის, რომელსაც უწევს მოვალეობას შესრულება სამუშაო ადგილზე, რომელიც მოითხოვს ჯდომას ხანგრძლივი პერიოდის მანძილზე. ასეთ შემთხვევაში სამხრე ბუდის გამოყენება შეიძლება იყოს იარაღის ტარების საუკეთესო მეთოდი. არ არის აუცილებელი მხოლოდ კაბინეტში ჯდომა, მაგალითად ვერტმფრენების პილოტები (პოლიციელებეი და სამხედროები), უმეტესად სწორედ ასეთ ბუდეებს ატარებენ, ან მაგალითად ინკასატორული მანქანების მძღოლები, რომლებიც არ ტოვებენ თავის ადგილს, მათთვისაც სამხრე ბუდე შეიძლება იყოს და არის მოსახერხებელი. გაიხსენეთ შესანიშნავი ფილმი We Were Soldiers ვერტმფრენის პილოტს იარაღი (სმიტ&ვესონის მოკლე მე-15 მოდელი) მოთავსებული აქვს სამხრე ბუდის ნაირსახეობაში, როდესაც იარაღი პრაქტიკულად მკერდზე არის განთავსებული. ასევე აქტუალურია სამხრე ბუდე ადამიანებისათვის, რომლებსაც არ ჭირდებათ იზრუნონ ეტიკეტზე და ჩაცმულობაზე და ეს განსაკუთრებულად ცივ ამინდში. მონადირეები, მეთევზეები, შესაძლებელია ფერმერები, რომლებსაც სურთ იქონიონ თან დამხმარე იარაღი ან საშუალება მოიგერიონ გარეული მტაცებლების თავდასხმა, ძალიან მოსწონთ ასეთი ბუდეები და წარმატებითაც იყენებენ მათ. თბილი ტანსაცმლის ქვეშ მოთავსებული იარაღი ასევე რჩება სითბოში და დაცული ამინდის ზემოქმედებისაგან. შესაბამისად არ არის საშიშროება რომ მექანზიმი გაიყინება ან ზეთი იმდენად გასქელდება სიცივისგან, რომ იარაღიდან გასროლა შეუძლებელი გახდება.
პილოტებისთვის სამხრე ბუდე არის იარაღის ტრების საუკეთესო საშუალება, და ამიტომაც ის არის მათი ეკიპირების განუყრელი ნაწილი უკვე მრვალი წელი.
სამხრე ქვეშა ბუდე შეიძლება უალტერნატივო ტარების საშუალება იყოს ადამიანებისთვის, რომელბსაც აქვთ სამედიცინო პრობლემები ზურგთან. ასეთი ტრავმების დროს ადამიანებს, როგორც წესი ეკრძალებათ ტვირთის ტარება ქამარზე ანუ წელზე (წელის დატვირთვა). ასეთ შემთხვევაში დაბალნსებული სამხრე ბუდე შეიძლება იყოს ერთადერთი ტარების ოფცია. დაბალანსებული, იმიტომ რომ ასეთი ტარების სისტემა კარგად და თანამბრად ანაწილებს წონას, იარაღი ერთ მხარეს და ამუნიცია და აღჭურვილობა მეორე მხარეს.
აღნიშნული სისტემა ასევე გაცილებით უფრო კომფორტულია ქალებისთვის. ქალის სხეული ანატომიიდან გამომდინარე, ქამარზე/წელზე დამაგრებული იარაღი საკამოდ ბევრ პრობლემებს უქმნის მათ. მათი ტორსი უფრო მოკლეა ხოლო გვერდები უფრო განიერი, რის გამოც იარაღი გაცილებით უფრო მაღლა “ზის” და სერიოზულ დისკომფორტს ქმნის, როგორც ტარებისას (იარაღი აწვება ნეკნებს) ასევე იარაღის ამოღებისას (მაღლა განთავსებული იარაღი აიძულებს ხელის და მხარის ზედმეტად მაღლა აწევას უხერხული მოძრაობებით). ჩვეულზე დაბლა მოთავსებული იარაღი წყვეტს პრობლემას, მაგრამ ფარული ტარება ხდება პრაქტიკულად შეუძლებელი ანუ იარაღის დამალვა ძალიან რთულდება. გარდა ამისა ქალისთვის უფრო ადვილია ისევ და ისევ ანატომიური თავისებურებებიდან გამომდინარე მიწვდეს მარჯვენა ხელით მარცხნივ იღლიის ქვეშ მოთავსებულ იარაღს. მამაკაცებს განვითარებული კუნთებით და ფართე მკერდით საკმაოდ გაუჭირდებათ ასეთი ილეთის სწრაფად შესრულება მაშინ, როდესაც ქალს არანაირი პრობლემა არ შეექმნებათ. ასევე მამაკაცთან შედარებით, სამხრე ბუდე უფრო კარგად იმალება ქალის ტანზე, რისი მიზეზიც ისევ და ისევ არის ქალის სხეულის წყობილება.
კიდევ ერთ ერთ უპირატესობა ასეთი ტიპის ბუდეების არის ის, რომ როდესაც თქვენ იხდით მაგალითად პიჯაკს, შეგიძლიათ მასვე გააყოლოთ ბუდეც, ისე, რომ ამას ვერავინ ვერ შეამჩნევს. შემდეგ ჩამოკიდებთ პიჯაკს ბუდესთან ერთად და ჩაცმისას ერთდროულად ჩაიცვავთ ორივეს, იმიტომ, რომ ორივეს ჩასაცმელად დაგჭირდებათ ერთნაირი მოძრაობები. მცირე პრაქტიკის შემდეგ ამ „ილეთის“ განხორციელებას შეძლებთ ადვილად, სწრაფად და ისე, რომ ვერავინ ვერაფერს ვერ შეამჩნევს. ფარული ტარება გულისხმობს ფარულ ტარებას და ყველაფერი უნდა იყოს აგებული ამ პირობის ირგვლივ.
სანამ გადავალთ სამხრე ბუდის უარყოფით მხარეებზე საუბარს, ეგრევე გაგიმხელთ საიდუმლოებას: პროფესიონალები არ წყალობენ ასეთ ბუდეებს. მეტსაც ვიტყვი, მთელ რიგ სასწავლო ცენტრებში უბრალოდ აკრძალულია მათი გამოყენება. ქვევით ამასაც ავხსნი.
ჩვენ უკვე შევთანხმდით, რომ ასეთი ბუდე ძალიან მოსახერხებელია მანქანაში ტარებისას. კი ბატონო, მხოლოდ ერთი პირობით, თუ თქვენ გაცვიათ ტანსაცმელი, რომელიც მალავს ბუდეს. წინააღმდეგ შემთხვევაში ფარული ტარება ხდება შეუძლებელი, ეს კიდე აბსოლუტურად დაუშვებელია. იგივე საპირისპირო მხარეს დამაგრებული ქამრის ბუდე გარედან იქნება უხილავი და ამავე დროს ადვილი ხელმისაწვდომი, მაშინ, როდესაც სამხრე ქვეშა ბუდე ადვილად შესამჩნევი გახდება, როდესაც ზედა ტანსაცმელს გაიხდით. ხანგრძლივი მოგზაურობის დროს მანქანაში პიჯაკში ჯდომა საკმაოდ მოუხერხებელია.
როგორც უკვე ვთქვი იღლიის ქვეშ მოთავსებული იარაღი შეიძლება იყოს ძნელად ხელმისაწვდომი მსხვილი მამაკაცებისთვის. ამის გამო რთულდება იარაღი ამოღება, მითუმეტეს მოძრაობაში, მითუმეტეს მაგალითად ხელჩართული ბრძოლის დროს. ხანდახან, როდესაც ოპერატორი ვერ წვდება იარაღს ის ცდილობს თითებით მოიწიოს იარაღი და მერე ჩაავლოს ხელი ტარს და ამოიღოს ის ბუდიდან. ასეთი ტიპის მანევრი ნელია და სტრესულ პირობებში მოუხერხებელი. დამატებით, ასეთ მომენტში არსებობს რისკი უნებლიე გასროლის.
განსხვავებით პოპულარული მოსაზრებისა, სამხრე ბუდე სულაც არ უზრუნველყოფს ფარულ და კომფორტულ ტარების მაღალ ან შეუდარებლად მაღალ ხარისხს. დამერწმუნეთ და თუ ჩემი არ გჯერათ, მარტივი ექსპერიმეენტი გაჩვენებთ, რომ იღლიის ქვეშ მოთავსებული სრული ზომის იარაღის დამალვა საკამოდ პრობლემატურია. გარდა ამისასამხრე ბუდის გამოყენება შესაძლებელია მხოლოდ წინიდან გახსნილი ტანსაცმლის პირობებში და ისიც გარკვეული ფასონის თუ არის. ფართე მხრებიანი პიჯაკი დამალავს იარაღს იღლიის ქვეშ მეტნაკლებად ეფექტურად, მაშინ როდესაც პერანგი ამას უკვე ვერ შეძლებს. მე ვიხსენებ ერთ შემთხვევას, როდესაც ბანკში ყოფნისას ზაფხულში შევამჩნიე ადამიანი ღია ფერის პოლოს ტიპის „გადმოჩაჩულ“ მაისურში, რომელსაც რაღაც უცნაურად ქონდა ამობურცული ზურგი. მივხვდი, რომ ადამიანს შიშველ ტანზე მაისურის ქვეშ ქონდა იღლიის ქვეშა ბუდე ჩაცმული, ხოლო ქამრები ზურგზე აიხლართა და ამით გაუთვითცნობიერებლად აუწყა მთელ მსოფლიოს, რომ ის იარაღს ატარებდა. ქამარზე დამაგრებული ბუდე , მაგალითისთვის ადვილად დამალავდა იარაღს „პოლოს“ ქვეშ და უფრო კომფორტულიც იქნებოდა ცხელ ამინდში, ვიდრე შიშველ ტანზე ჩამოკიდებული იღლიისქვეშა ბუდე. არაფერს ვამბობ იმაზე, რომ ქამრის ბუდიდან იარაღის ამოღება უფრო სწრაფი იქნებოდა ვიდრე დახურული მაისურის ქვეშ დამალული იღლიის ქვეშა ბუდიდან.
მაგრამ ძირითადი მიზეზი, მიზეზი რის გამოც ასეთ ბუდეებს არ წყალობენ პროფესიოანლები არის იარაღის ლულის მიმართულება ბუდეში ყოფნისას და მისი ამოღებისას. საქმე იმაშია, რომ იარაღის უსაფრთხო ტარების და გამოყენების წესი იუწყება, რომ ლულა უნდა მიუშვიროთ მხოლოდ იმას, რის განადგურებასაც აპირებთ. სამხრე ბუდეს ეს ეხება იმდენად რამდენადაც იარაღის ამოღებისას (პოტენციალურად სახიფათო სიტუაცია, როდესაც ხდება უნებლიე გასროლები) და ტარებისას ლულა უმიზნებს ყველას ვინც თქვენს უკან დგას. პარტნიორ პოლიციელს, უდანაშაული გვერდითმდგომს, სასროლოსნო ცნეტრის ინსტრუქტორს ან უბრალოდ იმას ვისი დაცვასაც ცდილობთ. რა გასაკვირია, რომ სასროლოსნო ცენტრის, ტირების ინსტრუქტორები და მეთვალყურეები სერიოზულ დისკომფორტს განიცდიან, როდესაც მათ უყურებენ წინ მდგარი სტუდენტების იარაღის ლულები. უსაფრთხოება არის ერთ ერთი უმთავრესი პრიორიტეტი იარაღის ტარებისას და გასაკვირი არ არის, რომ აღჭურვილობა, რომელიც ოდნავ მაინც აყენებს მას კითხვის ნიშნის ქვეშ მაინც და მაინც არ სარგებლობს პოპულარობით და აღიარებით პროფესიონალურ წრეებში. ყველაფერს ამას შეიძლება დაუმატო ის, რომ ამოღებისას ლულა იკვეთება თქვენი სხეულის ნაწილებთან (არსსებობს ტექნიკა და ბუდეები, რომლებიც ამას გამორიცხავენ, მაგრამ მხოლოდ იმ შემთხვევაში, თუ იარაღის მატარებელი ინფორმირებულია საფრთხის შესახებ და შესაბამის ტექნიკას იყენებს). ასევე, იარაღის ამოღებისას, რომლის ტარი დაბლა იყურება ლულა კვეთს იღლიასთან და მხარის არეში განლაგებულ მსხვილ არტერიებს, მისი დაზიანება უნებლიე გასროლის შემთხვევაში უმძიმეს ჭრილობას მიაყენებს ადამიანს, რაც დიდი ალბათობით ლეტალური შედეგით დამთავრდება.
უარყოფით მხარედ შეიძლება ჩაითვალოლ სამხრე ბუდეების საკმაოდ რთული კონსტრუქციაც, რაც ავტომატურად განაპირობებს მათ მაღალ ფასს. იმისთვის, რომ სწრაფად მოძრაობისას იარაღი და მჭიდები არ გირტყავდნენ ფერდებზე საჭიროა მათი დამატებითი ფიქსაცია ქამარზე. აღნიშნული სამაგრები ერთი ან ორ მხრიაანები მნიშვნელოვნად ართულებენ კონსტრუქციას და ასევე ზრდიან სამხრე ბუდის ჩაცმა გახდის დროს. ილეთი პიჯაკის და ბუდის ერთდროულ გხდასთან ერთად უკვე საკმაოდ რთული ხდება, იმიტომ რომ ყველასგან შეუმჩნევლად ქამრისგან უნდა განაცალკევოთ დამატებითი სამაგრი.
თქვენ თვითონ შეადარეთ უარყოფითი და დადებითი მხარეები, რომლებიც მე ეხლა ჩამოვთვალე. არჩევანი იარაღის ტარების მეთოდისა და შესაბამისი ეკიპირებისა არის მთლიანად თქვენზე დამოკიდებული, ისევე, როგორც ამაზე არის დამოკიდებული თქვენი პირადი უსაფრთხოება.
გადავიდეთ შემდეგ ნაწილზე. რას უნდა სამხრე ბუდის არჩევისას? გამომდინარე ქართული რეალიებიდან ჩათვალეთ, რომ წინასწარი მოზომვა შეუძლებელია ვინაიდან წესიერი ნებისმიერი ტიპის ბუდის შეძენა საქართველოში თითქმის შეუძლებელია. ან შესაძლებელია მაგრამ ორმაგი სამმაგი ფასის გადახდით, თუმცა უნდა ავღნიშნო ბოლო 10 წლის განმავლობაში მე მაღაზიებში არ შემხვედრია წესიერი სამხრე ბუდე. წესიერში ვგულისხმობ წესიერი პატიოსანი მწარმოებლის მიერ დამზადებულ მოდელს. იყიდეთ მხოლოდ ასეთი მწარმოებლის ნაწარმი (სასურველია Bianchi, Galco, Uncle Mike, Mitch Rosen და ა.შ.)! ინტერნეტით შეკვეთისას ლოგიკური იქნებოდა ჯერ გენახათ გამოკითხვები, მაღალი ხარსხის სხვა და სხვა რაკურსის სურათები და კარგად დააკვირდეთ ბუდის ყველა ელემენტს. სამხრე ბუდეს საჭიროა ქონდეს აუცილებელი რეგულირებები, ძალიან კარგად მუშაობენ ჩაკერილი ელასტიური ელემენტები, თუმცა მეორე მხარეს იღლიაში ამოდებული ელასტიური სამაგრი საკამოდ დიდ დიკსომფორტს შეგიქმნით, განსაკუთრებულად, ცხელ ამინდში. იღლიები უნდა იყოს თავისუფალი, სასურველია იყოს ორივე მხარეს სამაგრები ქამარზე, რაც უზრუნველყოფს ბუდის დაფიქსირებას ერთი და იგივე ადგილას და ამით ის არ შეგიქმნით დისკომფორტს სწრაფად გადაადგილებისას. იარაღის და აღჭურვილობის წონა თანაბრად უნდა იყოს გადანაწილებული მხრებზე. იღლიისქვეშა ბუდის ყველა ელემენტი არ უნდა ხმაურობდეს. მიაქციეთ ყურადღება, რომ არაფერი არ უშლიდეს იარაღს ამოღებისას და ბუდე იყოს ადვილად მიღწევადი მათ შორის დგომისას, სიარულისას, მანქანაში ჯდომისას და ასე შემდეგ (ანუ სხვა და სხვა მდგომარეობებში რა დროსაც შეიძლება მოგიწიოთ იარაღის ამოღება). რაც შეეხება მასალებს, ისინი სხვა და სხვა არის მოდელების მიხედვით. მე პირადად ვანიჭებ უპირატესობას კარგი ხარისხის ტყავის ეკიპირიბას, თუმცა ვაღიარებს რომ სინთეტიკური მასალებისგან დამზადებული ბუდეები (კორდურა და ა.შ) და ეკიპირება ძალიან დიდხანს ძლებს და ძალიან გამძლეა. ტყავის ბუდე შესაძლებელია, რომ იყოს დამზადებული კონკრეტული იარაღის მოდელზე რაც მოსახერხებელია. როგორც წესი სინთეტიკური ქსოვილებისგან (ნეილონი, კორდურა) დამზადებული ბუდეები განკუთვნილია რამოდენიმე მოდელის იარაღზე ან კონკრეტული ზომის იარაღებზე. გამონაკლისი ხისტი, პლასტმასის ბუდეები, რომლებიც მე არ მომწონს, იმის გამო, რომ ისინი მალე ცვითავენ იარაღის დაფარვას, დაფარვა კიდე არ არის დატანილი კოსმეტიკური მიზნებისთვის, ის იცავს იარაღს აგრესიული ზემოქმედებისგან (სინესტე, ოფლი და ასე შემდეგ). არსებობს კომბინირებული მოდელები სადაც მწარმოებელი ცდილობს ყველა მასალისგან მაქსიმალური ეფექტი გამოიღოს. და ბოლო რჩევა, შეეცადეთ აირჩიოთ მოდელი, რომელიდანაც იარაღის ამოღებისას ლულა არ კვეთს, თქვენი სხეულის, რომელიმე ნაწილს. ამ მხრივ ყველაზე არასასურველი არის მოდელები სადაც იარაღის ტარი ქვევით იყურება.
ალბათ ერთ ერთი ყველაზე კლასიკური, ძველი და ამვე დროს დღემდე აქტუალური სამხრე ბუდის მოდელი, Bianchi X15. დამზადებულია ტყავისგან. ფასი 130 აშშ-ის დოლარი.
უდაოდ სხვა და სხვა მოდიფიკაციების ქამრის ბუდეები (belt holsters) უფრო უნივერსალური და მრავალფეროვანი საშუალებებია იარაღის ფარული ტარების. დიდი ალბათობით უფრო კომფორტულიც, მაგრამ არის სცენარები, სიტუაციები და ადამიანები, რომლებისთვისაც სამხრე ბუდე შეიძლება იყოს საუკეთესო გადაწყვეტილება. ჩემი აღჭურვილობის ამ ელემენტს ნამდვილად აქვს ადგილი თქვენ არსენალში. უბრალოდ უნდა გაითვალისწინოთ ორი რამე, იღლიისქვეშა ბუდე უნდა იყოს უმაღლესი ხარსხის და არა სადღაც თბილისის გარეუბნებში შეკერილი პრიმიტიული იმიტაციები და მეორე: საჭიროა პრაქტიკა და ვარჯიში ასეთი ბუდის უსაფრთხო გამოყენებისთვის.
